गुजरातच्या गिर सोमनाथ जिल्ह्यातील एका प्राथमिक शिक्षकाला, शाळेच्या वेळेत एका विद्यार्थ्याला दारू आणण्यासाठी पाठवल्याप्रकरणी निलंबित करून अटक करण्यात आली आहे. शाळेच्या वेळेत एका विद्यार्थ्याला दारू आणण्यासाठी पाठवल्याच्या आरोपावरून गुजरातच्या गिर सोमनाथ जिल्ह्यातील एका प्राथमिक शिक्षकाला निलंबित करून अटक करण्यात आली असल्याची माहिती राज्याच्या शिक्षणमंत्र्यांनी शुक्रवारी दिली. ही घटना उना तालुक्यातील खापत गावात घडली असून, ती २० जून रोजी सकाळी ८ च्या सुमारास घडल्याचे पोलिसांनी सांगितले. प्राथमिक, माध्यमिक आणि प्रौढ शिक्षण मंत्री प्रद्युमन वाजा यांनी सांगितले की, या प्रकरणाची गंभीर दखल घेण्यात आली असून त्यावर त्वरित कारवाई करण्यात आली आहे. गुजरातमध्ये दारूचे उत्पादन, विक्री आणि सेवन करण्यास बंदी आहे. संबंधित शिक्षकाची आता चौकशी सुरू असून, या घटनेचा तपास करण्यासाठी तीन सदस्यांची चौकशी समिती स्थापन करण्यात आली आहे.